سيلا وزين

ابيض ولا ايه بقا دى اللى عايز تجوزهانى 
سيلا اټجرحت وعايزه ټعيط وردت ببرود وقالتله انا كدا عاجبك تمام مش عاجبك احنا فيها اهو طلقنى دلوقتى 
زين ادايق انها بترد عليه وقالها ببرود بالعكس دا كدا شكلك بتفهمى وعارفه ايه اللى هيحصل معاكى عشان كدا لابسه اسود 
سيلا هنشوف مين اللى هيحصل معاه كدا وبصتله بتحدى وهو اتعصب وبصلها بتحدى وقالها هنشوف
مروه فى سرها اما من دلوقتى كدا هيعمل ايه معاها لما يشوفها على حقيقتها وبتضحك بسخريه 
ابو زين مالك سيلا عيب كدا احنا مش واقفين ولا ايه يلا يا زين خد عروستك وامشى 
ابوها فكك يا ماهر خليه يوريها 
وسيلا اتدايقت ومشيت هى وزين وراحت
تجرى على العربيه عشان متحتكش بيه 
وهو بيقولها بسخريه ايه عجبتك العربيه اوى كدا معلش مانتى مكنتيش تحلمى تشوفى زيها 
سيلا اتعصبت وقالتله بقولك ايه لحد هنا وكفايه كدا انا مش هقعدلك فيها قولى العنوان فين وانا اجى بتاكسى 
زين ببرود تمام يلا والعنوان اهو ...وقالها اشوفك فى البيت بقا
سيلا طلعت وقالتله تمام وركبت تاكسى قدام عيونه ومشيت 
وهو ادايق وقال ماشى اصبرى عليا بس انا هربيكى من اول وجديد بقا انا حتت عيله زى دى ترد عليا وتتحدانى كدا طب تمام اوى
ومشى بعربيته وباباه كدا كدا هيركب العربيه التانيه
ومشيوا 
صلوا على النبي
وصلت سيلا على العنوان ودخلت الفيلا وانبهرت بيها بس فى نفس الوقت قالت وتفيد بإيه حلاوتها وهى هتبقى زى السچن بالنسبالى فجات تدخل االحارس قالها رايحه فين يا انسه انتى مين وجايه تعملى ايه هنا 
سيلا بلطف انا سيلا يا عمو مرات اللى ما يتسمى اقصد مرات زين 
الحارس يا مرحب يا مرحب يا بنتى بس انتى جايه لوحدك ليه يا بنتى فين زين بي ولسه هيكمل جه زين متعصب وقالها انتى واقفه هنا ليه على جوه 
سيلا دخلت وبتحاول متعملش مشكله معاه عشان عايزه تستوعب اللى حصل الاول 
ودخلت وقعدت مستنيه يقولها أنهى اوضه
دخل زين وقالها تانى مره مشوفكيش واقفه بتتكلمى مع حد انتى فاهمه وباب الفيلا ده مش هتعتبيه والا هكسر رجلك انتى فاهمه 
سيلا ببرود خلصت فين اوضتى بقا 
زين اتعصب وجاب اخره وجابها من طرحتها وقالها لما اقول كلمه تتسمع واياكى تانى مره تتجاهلى كلامى انتى فاهمه 
سيلا بتحاول تفلت منه مش عارفه وبتقوله طب خلاص سيبنى
زين بعصبيه اكتر فاهمه 
سيلا پخوف فاهمه فاهمه بس بس فين اوضتى
زين ايوه كدا اطلعى فوف تانى اوضه على اليمين ومن هنا ورايح انتى فى اوضه وانا فى اوضه فاهمه 
سيلا فى سرها قال
يعنى انا مېته اقعد معاك فى نفس الاوضه الحمدلله ربنا نجدنى وابتسمت قالتله تمام شكرا ومشيت
زين استغرب وقال مجنونه دى ولا ايه شكلها عندها انفصام ولا ايه وطلع 
طلعت سيلا وقفلت الباب عليها وفجأه بتلف بتلاقى وبتصوت......
يتبع
الفصل الثالث
سيلا قفلت الباب عليها وفجأه بتلف بتلاقى كلب قدامها وبتصوت وبتطلع بسرعه بره وتقفل ومخضوضه وعيطت طلع زين على صوتها وبيضحك ومش قادر من الضحك وسيلا ادايقت منه لانه بيضحك عليها بس ركزت فى ضحكته وقعدت تقول فى سرها يالهوى يخربيت ضحكتك مانت حلو اهو اومال فى ايه وبعدين قالت ايه اللى بقوله ده عيب كدا وبعدين لا لا دا مش استايلى وفاقت على أنه بيقولها بغرور انا عارف ان ضحكتى حلوه بس مش للدرجادى 
سيلا اتكسفت بس اتكلمت پغضب وعصبيه لا مش حلوه خالص وبعدين انت ازاى تعمل كدا حرام عليك علفكرة واتكلمت بدموع وببراءه انا بخاف من الكلاب وكان ممكن يغمى عليا واقطع الخلف بسببك منك لله منك لله كشفت راسى ودعيت عليك 
زين بيضحك تانى وبيقولها انتى مجنونه يا بنتى شكلك انتى اللى عندك انفصام والله بس مش مهم وقرب منها وبيقولها بس شكلك قمر اوى وانتى زى الطفله كدا وغمزلها
سيلا بكسوف وتوتر وبتبعد انت ايه اللى بتعمله ده يا يا انت اوعى كدا عيب وبعدين اهو انت اللى عندك انفصام انت مش كنت من شويه متعصب وواحد تانى انت هتجننى ولا ايه وحطت ايدها على دماغها وقالت يالهوى هيجننى بدرى بدرى يا صغيره على الهم يا لوزه اهئ اهئ يلا مش مهم بقا اخد فيك ثواب وخلاص 
زين والله انا اللى شكلى هتجنن