من أجلها
المحتويات
بقولك ايه يا حبيبتي ما تخسي شوية كده الرجالة مبيحبوش الستات التخينة ولا انتي عايزة تقعدي جمب امك كده علطول ..ما كل عريس بيجي بيهرب منك
قالتها واحدة من أصحاب ماما اللي مشافوش تربية في حياتهم ابدا ...نفخت بضيق وانا بسيب الشوكولاتة اللي في أيدي وقولت
وانتي مالك يا طنط هو انا بأكل من تلاجة اللي جابوكي ..ابويا اللي بياكلني مش انتي !!
شيماء !!!عيب اللي بتقوليه ده !!اعتذري يالا من طنط ندي ...
هزيت راسي وقولت
لا مش هعتذر من حد ..هي اللي مفروض تلزم ادبها!!!ملهاش أي حق تتكلم عن جسمي وخاصة انها شبه التر يلا وتفصل مني تلاتة ورغم جده متكلمتش ...
قامت طنط ندي وقالت
لا ..انتي فعلا متربتيش ...اهلك معرفوش يربوكي وانا غلطانة اني بنصح بني ادمة قليلة الذوق ..
ندي لو سمحتي !!!
زعقت ماما فيها فزعقت ندي وقالت
يعني مش سمعاها يا هدي ...مش شايفة قلة ادبها عليا ...انتي هتسكتي وتخلي بنتك تقلل ادبها معايا ....
ربعت امي ايديها. قالت ببرود
انتي اللي بدأتي يا ندي ...اظن كتير لمحتلك ان بلاش تقللي من شيماء او تكلميها علي وزنها لكن انتي برضه مصممة تحر جيها وده جزاء اللي بتعمليه ....
كده يا هدي...طيب والله ما أنا جاية عندك تاني ولا لساني هيخاطب لسانك ...
وبعدين مشيت وهي متعصبة ...بصتلي ماما وقالت
اللي عملتيه ده اسمه قلة ذوق ...
هزيت كتفي وقولت
هي اللي جابته لنفسها يا ماما ...تستاهل
وبعدين بدأت اكل في الشوكولاتة بتاعتي ..اخدت مني امي الشوكولاتة وقالت
يوووه بقا ..زعقت
وانا ببكي وبعدين كملت
قربت ماما مني ومسكت ايدي وقالت
يا حبيبتي مش بعا يرك ..أنا خاېفة عليكي ...انتي صحتك بتتد هور ...
بعدت عنها وانا بقول وانا بتنفس بصعوبة
لا انتي بتعا يرني ...كلام اصحابك اثر فيكي ...وبتيجي دلوقتي تعا يرني بوزني صح ...
انا مش بعا يرك ...افهمي وبطلي غبا ء ...انتي لازم تخسي ...لازم والا هتمو تي...صحتك بقت في النازل ...انتي مبتفهميش !!!
متابعة القراءة
