حكايه رقيه

قعد مع رقيه واتكلموا فحاجات كتير اوي و رقيه ارتاحت له في الكلام 
وقعدوا مع بعض مرة كمان و قعدت مع مامته وباباه وأخواته و قرروا يقروا الفاتحه ولما راحت معاه تشتري الشبكه قررت انها متفرطش فكرامتها تاني لا في التصرفات و لا في حقوقها مش معنى كده انها حتكون طماعه لاء استحاله لان ده مش طبعها لكن مش حتكرر نفس غلطها مع اسلام تاني ولازم تصون كرامتها قبل أي حاجه راحت و اختارت الشبكه اللي على مزاجها و لما مامته حاولت تتدخل عماد نفسه قاللها لاء يا ماما بعد اذنك اناعاوز رقيه هي اللي تختار شبكتها بنفسها وعملوا خطوبه عالضيق و اتغقوا حيعملوا الفرح في اجازة الصيف 
راحت المدرسه وهي فرحانه اوي و الدنيا مش سايعاها من الفرحه و نورة اخدت الشيكولاته ووزعتها بنفسها على كل اللي في المدرسه والكل بارك لها و كانوا كلهم فرحانين اوي عشانها 
وحس اسلام انه عاوز يبارك لها عاوز يكلمها وخاېف لأن دي حتكون اول مرة يكلمها فيها من بعد اللي حصل منه راح ناحيتها الف مبروك يا رقيه 
بصتله رقيه بصة كبرياء بصه عمره ما شافها فعيونها قبل كده الله يبارك فيك يا اسلام 
وسابته ومشيت هي اتعلمت منه الدرس كويس و احترامها لنفسها بقى قبل كل شئ
عماد طول مدة تواجده بيعدي عليها كل يوم يروحها البيت و بيخرحها و يفسحها و يشتريلها كل اللي هياعاوزاه و يجيبوا كل حاجة الشقه مع بعض وأحيانا كتير كانت بتعزمه عندهم في البيت و طبعا انبهر بأكلها اللي ما اكلش فطعامته قبل كده حبهاو حبته و حنانه عليها و كرمه معاها ربطوها بيه و قدر في وقت قصير اوي انه يخليها تحبه و تتعلق بيه كمان و قدرت اخيرا انها تنسى اسلام و عيونها متبقاش شايفه غير عماد و بس و كل كلمه كانت بتقولهاله و كل حاجه حلوة كانت بتعملها عشانه كانت بتلاقي التقدير منه وده فرحها اوي و حست بفرق العلاقه وان فعلا لازم كل فعل يكون له رد فعل
اما بالنسبه لاسلام فحياته مستمرة مع صافيناز لكن بدأت تحصل بينهم مشاكل و كل يوم والتاني تسيب البيت و تزعل عند اهلها 
يابني انت ايه حكايتك انت و صافي هي كل يومين تغضب و تروح لأهلها 
اسلام هي اللي عاوزه كده يا محمود مش انا 
محمود معلش يا اسلام واحده عليك يا عم انت عارف هرمونات الحمل بتجنن الستات 
اسلام ما هو الحمل ده جه على دماغي والله من يوم ما حملت لحد دلوقتي تمن شهور خربت بيتي فيهم من يوم ما عرفت انها حامل ومفصلتش طلبا ت ما كل الستات بيحملوا مبيعملوش كده ليه لا عاوزه تعمل اكل و لا تمسك مكنسه و لاتيجي المدرسه و ادفع يا اسلام كل يوم اخد اكل دليفري و انا مروح وانت عارف الدليفري ده خړاب بيوت ده غير واحده بتيجي تنضف الشقه كل يومين وتغسل الأطباق و تاخد اد كده وتمشي وده غير الفلوس اللي بدفعها لحد في التأمين عشان يعمللها كل شويه اجازة و متجيش المدرسه اقسم بالله مابقى معايا حتى حق البنزين اللي هيا اصلا مبترضاش تتحرك من البيت غير بالعربيه تعبت يا محمود تعبت ده غير مناخيرها اللي على طول رافعاها للسما و تعاليها اللي بقى علية انا نفسي و كل ما تقعد مع حد من اهلي يكرهوا قعدتها من تقل ډمها و تعاليها عليهم و انا تعبت خلاص و كل ما افضفض معاها بكلمتين تجري تغصب عند اهلها ولازم طبعا و انا رايح ارجعها اخد معايا حاجات اد كده عشان توافق ترجع معايا انا الدرس اللي بشتغله مبروحش بجنيه بيه البيت دي امي بقت بتساعدني عشان اقدر اغطي على طلباتها ده كل ده و هي حامل لسه و فاضل لسه شهر على ولادتها امال لما تولد حتعمل فية ايه انا خلاص قربت اشحت يا محمود قرفت منها و من اليوم اللي حبتها فيه
و قررت اني ارتبط بيها
محمود يبص له و اسلام يفهم بصته ليه عارف من غير ما تقول ايوة ده ذنب رقيه انا عارف بس اللي حصل حصل خلاص و انا مش عارف اعمل ايه
محمود سبحان الله مش الصفات اللي انت كارهها فيها دي هيا نفسها نفس الصفات اللي اتجوزتها عشانها
اسلام ايوة و كرهتها يا محمود انانيتها و حبها لنفسها خنقوني تعاليها و تكبرها تعبوني و كرهوني فنفسي انا كنت اعمى يا محمود
محمود انا عاوز انفصل عنها انا خلاص جبت اخري منها و مش قادر اكمل معاها اكتر كن كده 
محمود ايه الهبل ده و الطفل اللي جاي في السكه ده ذنبه ايه يتولد يلاقي ابوه و امه منفصلين استهدى بالله يا اسلام متخربش بيتك انا حخللي سناء مراتي تتكلم معاها و تعقلها اهم ستات زي بعص و اكيد حتفهمها غلطها
اسلام صافيناز هههههههه تبقى بتحلم دي اللي فدماغها فدمافها و عمرها ما حتتغير ابدا 
محمود ربنا يهديكم يارب 
مش رقيه فرحها الجمعه الجايه 
اسلام بجد والله ربنا يسعدها و يهنيها يا رب عارف يا محمود لو الزمن يرجع بية تاني متجوزش و لا احب غيرها
محمود سبحان الله ما كانت معاك تلت سنين كانت بتمنالك الرضا ترضى مشفتش حبها ده محستش بوجودها
اسلام لاء كنت غبي يا محمود غبي و الله لو مكانت ارتبطت خلاص كنت رجعتلها تاني
محمود ياسلام على اساس انها قاعده مستنياك يا عيني رقيه اتغيرت يا اسلام مبقتش رقيه الهبله العبيطه واللي عامله خدها مداس للقريب و الغريب لاء خلاص مبقتش وحشه لكن بقت ذكيه والفضل كله يرجع ليك صډمتها فيك كانت اكبر قلم اخدته فحيانها اهي رقيه دي ينطبق عليها فعلا المثل اللي بيقول الضربه اللي متموتش بتقوي و هي قويت و ربنا يهنيها يارب 
اسلام يارب
يمر الاسبوع و ييجي فرح رقيه و عماد و كل المدرسه تحضر الفرح ما عدا اسلام طبعا فرحتها كانت ملهاش حدود و طول الفرح مبطلتش رقص مع عماد و نورة مسابتهاش لحظه كانت معاها خطوه بخطوة لحد ما وصلتها لباب العربيه مع عريسها و قلبها انقطع من كتر الزغاريد واخدها عماد وسافروا على شرم الشيخ عشان يقضوا اسبوع 
مبسوطه يا روكي
رقيه مبسوطه اوي يا عماد 
عماد و هو بيبوس ايدها ربنا يقدرني و اخليكي اسعد انسانه في الدنيا كلها يارب 
رقيه انا فعلا بقيت اسعد انسانه من وقت ما دخلت حياتي يا عماد 
و قضوا بعدها اسبوع في شرم و من حلاوته مكانوش عاوزين يرجعوا
و مرت الايام و حياتهم كلها حب و هنا و هو طبعا كان بيقعد معاها اسبوع و يسافر
اسبوعين و الوقت اللي بيكون فيه معاها بالنسبه لها الدنيا كلها 
و السعاده بقت من نصيبها و الفرح دق ابوابه على قلبها
اما اسلام صافيناز فكانت ولدت بقالها فتره و باباها طلب منه يروح ياخدها هي وابنه و بالفعل اخدها و روحوا
و طبعا طلبت سبوع متعملش لحد قبل كده و عمل السبوع اللي هيا عاوزاه و يادوب مفاتش شهرين الا و كانت حامل تاني و رجع لنفس المصاريف تاني و بقى حاله صعب اوي من درس لدرس هلك نفسه في الشغل عشان يقدر على طلباتها لدرجة انه اضطر يبيع العربيه عشان يلاحق على طلباتها اللي مبتخلصش
و حالته بقت صعبه والمره دي جابت بنتين توأم واخدت رعاية طفل عشان تعرف تربيهم و طول الوقت تصوت و تزعق لدرجة انه بقى بيرجع البيت عالنوم و خناقاتهم زادت اوي و مبقاش قادر عليها 
ياااه للدرجه دي يا نورة 
نورة واكتر يا رقيه ده دي الحاجات اللي حكالي عليها محمود مانتي عارفه مبيخبيش عني حاجه انتي بزمتك مش شايفه شكله بقى عامل ازاي ده بقى زي اللي عنده سبعين سنه فين اسلام اللي ريحة برفانه كانت بتوصل لآخر الشارع وشياكته اللي المدرسه كلها كانت بتتكلم عنها صافي قامت بالواجب معاه
الصراحه احسن حلال فيه انا فرحانه فيه اوي شفتي ربنا جبلك حقك منه ازاي
رقبه بس انا اسلام مبقاش فتفكيري خالص يا نورة و لا حتى بيجي على بالي و لا عنيه بقت بتشوفه انا الحمد لله مبسوطه اوي مع عماد و حسه اني اسعد انسانه في الدنيا
نورة يا حبيبتي يا رقيه ربنا يهنيكي ياحبيبتي يارب 
رقيه ااااه 
نورة مالك يا رقيه 
رقيه ضهري بيوجعني اوي يا نورة في ۏجع من الصبح بس زاد اوي 
نورة لا تكوني حتولدي يا رقيه بس لسه بدري على معادك 
تاخدها عالمسنسفى بسرعه و تدخل أوضة العمليات و يبجي باباها و مامتها و باباه ومامته واخته ام كريم اللي ويقول الدكتور ان الوضع صعب و حيحتاجوا يضحوا بالجنين ولازم جوزها يكون موجود عشان يمضي إقرار وجه عماد بسرعه من السفر ومضى على اقرار وقال ان اهم حاجه عنده رقيه و فعلا للأسف ضحوا بالبنت عشان رقيه تعيش و اخدها حضنه وطمنها انها عنده اغلى من اي طفل في العالم اهتمامه بيها زاد اكتر ودلعه ليها بقى اكبر بكتير و بعد حوالي اربع شهور ربنا رزقها بحمل تاني واخدت إجازات من الشغل و المرة دي ربنا كرمها و جابت ولد وبنت توأم 
شفتي كرم ربنا يا رقيه 
رقيه الحمد لله ربنا يخليهم لينا يارب 
نورة الف حمد لله على سلامتك يا قمر 
رقيه الله يسلمك يا حبيبتي يارب ربنا يخليكي لية يا نورة تعبتك معايا حبيبتي الشهور اللي فاتت 
نورة يا لهوي عليكي ده تعبك راحه المهم عشان منتخانقش مع بعض البنت القمر دي لازماني هاه محدش حيتجوزها غير الواد زين ابني
عماد هههههههه احنا نطول يا نورة 
نورة الا صحيح حتسموهم ايه 
عماد رقيه هي اللي حتسميهم
رقيه حسميهم على اسم اغلى اتنين في حياتي كلها معنديش اغلى منهم 
عماد و نورة 
تحضنها نورة بكل حب وفرحه و عماد يبصلها و يقوللها و انتي حب العمر كله و اغلى الناس يا رقيه
انتهت حكايتنا يارب تكون عجبتكم