جاهله ولكن
هه قولى دا تانى
سارة صباح الخير
صقر لاأ مش دى اللى بعدها
ساره بكسوف صباح الخير يا حبيبي
صقر احلى صباح ..قلبي يا ناس ...وحشتينى
سارة صاحى بدرى ليه ..
صقر انا فى الشركه ..للاسف حصل ظروف مش كويسه عند قاسم وكلمنى ..أن شمس زوجه اونكل حسين هتعمل عمليه النهاردة ..ومش هيعرف يجى الشغل ..النهارده
صقر اكيد حبيبتى..هخلص الشغل وافوت عليكم اخدك نروح ليهم المستشفى...
سارة أن شاء الله فى انتظارك ...
صقر خلى بالك من نفسك...
سارة وانت كمان بقلم منال عباس
عند لؤى
يرن جرس الباب ويفتح لؤى ليجد الضابط ومعه أحد العساكر ...
لؤى حضرتك ..مين وعايز منى ايه
الضابط معانا أمر استدعاء ليك
الضابط هناك هتعرف وأخذه هو والعسكرى إلى قسم الشرطه ...
فى المستشفى
فى حجرة العمليات ...يقف أمام الباب كلا من شهاب وحسين ..وكان يبدو على حسين الإرهاق ...
يصل لهم كلا من تمارا وقاسم ويلقوا التحيه عليهم
قاسم ايه الاخبار
شهاب خير ان شاء الله ...دى عمليه سهله ..المهم عمليه استئصال الورم
مضى أكثر من ساعه وخرجت شمس إلى حجرة الافاقه ...وبعد مدة بدأت تستعيد وعيها
شمس بۏجع انا فين ...
حسين شمس حمدالله على سلامتك
شمس بصوت وهن حسين ...سامحنى يا حسين
انا ظلمتك معايا ...
حسين بطيبة قلبه ما تقوليش كدا ...وما تتكلميش وتتعبي نفسك يا شمس ..أن شاء الله تقومى بالسلامه وترجعى احسن من الاول
شمس سامحونى كلكم ...وادعولى ...
شهاب مفيش داعى من الكلام دا دلوقتى يا شمس
ويلا هنسيبك تستريحى ..حاولى تنامى ..وطلب
منهم الخروج خوفا أن تبوح أخته عن ماضيها القذر
وهى لازالت تحت تأثير البنج ..
خرجوا جميعا ...بقلم منال عباس
حسين طيب اقعد معاها انا يا شهاب
هتنام ..ولازم حضرتك تستريح ...انت من الصبح واقف على رجلك
قاسم فعلا يا بابا ...واتفضل هدومك خد شاور وغير هدومك واستريح واحنا هنا اطمن
شكرهم حسين وذهب إلى الحجرة المجاورة ل شمس ...
شهاب فى موضوع عايز أخد رايك فيه قاسم
انا عارف ان الوقت مش مناسب بس الظروف حكمت ...ليأتى إليهم كلا من صقر وسارة
شهاب كويس انك جيت يا صقر فرصه تقولى رايك انت كمان ..
قاسم تعالوا نروح الكافيتريا علشان نقعد على راحتنا ...كانت سارة وتمارا يجلسان بجانب بعضهما
وتقص تمارا كل ما حفظته فى المذاكرة
سارة انتى اشطر طالبه بجد وسنين قليله تقدرى تدخلى الجامعه بشطارتك دى
تمارا انتى بتتكلمى بجد يا سارة
سارة ايوا والله حبيبتي
بينما جلس كلا من صقر وشهاب وقاسم بجانب بعضهم ليقص عليهم شهاب كل شئ حدث معه ومع سلمى ...
صقر باستغراب تقصد سلمى جارتى ! الدنيا دى صغيرة يا جدع ...وكمان لؤى دا يطلع ابن عمها ...
عايز اقولك ان لؤى دا وراه مخالفات ماليه ورشاوى تودى فى داهيه ...
قاسم ومنتظر ايه ...نبلغ الشرطه عنه ...
شهاب ياريت ..ونخلص من شره وسلمى تتطمن
صقر كدا يبقي مفيش داعى من الجواز
شهاب بدون تفكير لأ ازاى ...
صقر وقاسم بضحك شكلك وقعت يا صاحبي
شهاب الظاهر كدا ...
قاسم يبقي على خيرة الله ..نمشي من هنا على المأذون وناخده معانا لسلمى وعقبالى انا وتمارا
وصقر وانا كمان ولا انا مش فى الحسبان
ضحك ثلاثتهم ....واتصل شهاب على سلمى ليخبرها ..بموضوع المأذون ...فرحت سلمى وشكرته وأغلقت الهاتف وذهبت لوالدتها لتخبرها ...بقلم منال عباس
وبعد أن تناولوا بعض المشروبات صعدوا جميعا إلى الاعلى فى المستشفى ليجدوا الشرطه امام حجرة
شمس .....يتبع
